Saturday, April 30, 2016

Sequences for St Peter Martyr and St Catherine of Siena

Having recently downloaded a pdf of the 1603 Dominican Missal (as one does), I have transcribed the Sequences for St Peter Martyr (whose feast was yesterday) and St Catherine of Siena (whose feast is today):

Sequentia S. Petri Martyris
1. Adest dies celebris, quo lumen de tenebris, exortum emicuit.
2. Nam ab infidelibus, Petrus dispar moribus, ortus mundo claruit.
3. Mundum mundus abjicit, ordini se subjicit Evangelizantium.
4. Fit salutis speculum‚ morumque spectaculum, vas virtutum omnium.
5. Сarnis pudicitiam, et baptismi gratiam, conservat viriliter.
6. Verbi semen seminat, errores exterminat, verbo pugnans fortiter.
7. Dum non cedit hostibus, resistens erroribus, justi sanguis funditur.
8. A profanis manibus Sanctus diris ictibus, invasus occiditur.
9. Сhristi factus hostia, cæli transit ostia, cum palma martyrii.
10. Sempiterna gaudia, possidet cum gloria, ter centeni præmii.
11. Мorbi, mors, dæmonia, Petri per suffragia, depelluntur penitus.
12. Credit plebs incredula, videns hæc miracula, fieri divinitus.
13. Nobis ergo veniam, det Deus et gratiam‚ Petri prece sedula.
14. Et post hanc miseriam, largiatur gloriam, per æterna sæcula. Alleluja.

Sequentia S. Catharinæ Senensis
1. Lux advenit veneranda, laus in choris jubilanda, piis cunctis cordibus.
2. Hujus læta lux diei, festum refert sponsæ Dei, dedicandum laudibus.
3. Hæc de Senis oriunda, virgo munda Catharina, justis ex parentibus.
4. Mundum, carnem, hostem fregit, et triumphum victrix egit, ornata virtutibus.
5. Matrem Christi venerandam, omni gradu salutandam, lustro primo didicit.
6. Multis sanctis circumcinctum, se benedicentem Christum, virgo sancta conspicit.
7. Virginalis vitæ votum, Deo spondet quam devotum, ætatis septennio.
8. Ob hoc virgo tribulatur, sed a Deo liberatur, columbæ indicio.
9. Regularis vitæ ritum amplexatur institutum, a sancto Dominico.
10. Hunc adepta virgo sancta, mox vita claret miranda, Deo placens unico.
11. O quam chara, quam accepta, Christo Regi est effecta, ob præclara merita!
12. Nam ab ipso visitari, et de cunctis edoceri, solebat frequentius:
13. Hinc in sponsam subarrhari, et in fidem desponsari, meruit cum gloria.
14. Quis condigne potest fari, quave lingua explicari, fletus et suspiria.
15. Quæ fraterna pro salute, Jesu sponso cum virtute, emittebat sæpius.
16. Ut peccanti creaturæ, et Redemptor suo jure, fieret propitius.
17. Christi corpus venerandum, sic ducebat frequentandum, magno desiderio.
18. Ut si sibi licuisset, omni die id sumpsisset, pro sui remedio.
19. Dulce signum charitatis, dum amator castitatis, cor mutat in virgine.
20. Quo sic flagrat, sic movetur, ut dilectum contempletur, in cælorum cardine.
21. A quo sane nulla sorte, nec in vita nec in morte, separari patitur.
22. Sed in eum tota rapta, et a terra sublevata, Deo vero fruitur.
23. Tandem Christus dulcis sponsus, pio cordi sic conjunctus, sponsæ suæ nobilis.
24. Claram miris prodigiis, sacris ornat studiis, vitæ donas gaudia.
25. Jesu bone, Jesu dulcis, qui ad lumen cæcos ducis, sponsæ tuæ precibus.
26. Nos purgatos a peccatis, fac regnare cum beatis, omnibus temporibus.
27. Tuque virgo Deo digna, mitis, clemens et benigna, precibus nos refove.
28. Nec oblita pietatis, ad conspectum Deitatis, populum hunc promove. Alleluja.

No comments: