Thursday, January 3, 2008

Preces for the Holy Name

Here's something I found last year, I think: the modern Liturgia Horarum has the following preces for Vespers of 2nd January and Lauds of 3rd January, obviously alluding to the (then-suppressed) Feast of the Holy Name, and based upon the Litanies thereof:


Deus, multifariam loquens patribus nostris in prophetis, novissime locutus est nobis in Filio suo.  Ejus misericordiam imploremus, dicentes: Kyrie, eleison.
Pro Ecclesia tua sancta, – ut filii tui fideliter fortiterque confiteantur nomen Salvatoris.  Kyrie, eleison.  
Pro evangelizantibus, – ut operarii a te missi cum omni fiducia prædicent gentibus nomen Salvatoris.  Kyrie, eleison.
Pro fratribus nostris infirmis, – ut sanitatem obtineant invocantes nomen Salvatoris.  Kyrie, eleison.
Pro christianis persecutioni obnoxiis, – ut injurias patienter sustineant propter nomen Salvatoris.  Kyrie, eleison.
Pro fratribus nostris, qui culpa hominum obierunt, – ut tua misericordia vitam consequantur.  Kyrie, eleison.


Redemptorem nostrum, Filium Dei, qui homo factus est, ut hominem renovaret, lætanter invocemus, dicentes: Esto nobiscum, Emmanuel.  
Jesu, Fili Dei vivi, splendor Patris, lux æterna, rex gloriæ, sol justitiæ, fili Virginis Mariæ, – incarnationis tuæ gloria diem hunc illumina.  Esto nobiscum, Emmanuel.
Jesu, admirabilis consiliarius, Deus fortis, pater futuri sæculi, princeps pacis, – humanitatis tuæ sanctitate viam nostram dirige.  Esto...
Jesu, omnipotens, patiens, obœdiens, mitis et humilis corde, – omnibus mansuetudinis potentiam manifesta.  Esto...
Jesu, pater pauperum, fidelium tuorum gloria, pastor bone, lux vera, infinita sapientia, immensa bonitas, via et vita nostra, – spiritum paupertatis Ecclesiæ tuæ concede.  Esto...


To the last intercession I would append my own (cf. IGLH, n. 188 – Licet tamen... quasdam intentiones addere particulares):


Jesu, amator castitatis, amator noster, Deus pacis, auctor vitæ, exemplar virtutum, zelator animarum, Deus noster, refugium nostrum, – da nobis tuam pacem, et vitam æternam.  Esto...
Jesu, gaudium Angelorum, rex Patriarcharum, magister Apostolorum, doctor Evangelistarum, fortitudo Martyrum, lumen Confessorum, puritas Virginum, corona Sanctorum omnium, – precibus et meritis eorum perducas nos ad societatem civium supernorum.  Esto...


Furthermore, thumbing back thro' vol. I of the Lit. Hor. turns up much of the rest of the Litanies of the Holy Name turned into intercessions at Vespers for the 26th of December (which is not of St Stephen a capitulo, unlike in the older Breviary):


Verbum Dei, quod, in nobis habitando, salutis perpetuæ tramitem reseravit, deprecemur et sincera humilitate rogemus: Ab omni malo, libera nos, Domine.
Per mysterium incarnationis tuæ, per nativitatem et infantiam tuam, – per totam vitam tuam Patri dicatam: Ab omni malo, libera nos, Domine.
Per labores tuos, per prædicationes et itinera tua, per conversationem tuam inter peccatores:
Per agoniam et passionem tuam, per crucem et desolationem tuam, – per angustias tuas, per mortem et sepulturam tuam: Ab...
Per resurrectionem et ascensionem tuam, per donationem Spiritus Sancti, per gaudia et gloriam tuam æternam, – fratres nostros, jam defunctos, libera, Domine.  Ab...


Again, I would add before the last petition, as is allowable:


Per sanctissimæ Eucharistiæ institutionem tuam: Ab omni malo, libera nos, Domine.

No comments: